ווארשא – די נאציאנאליסטישע רעגירונג אין פוילן האט נעכטן אפיציעל אפגעטרעטן פון איר קאנטראווערסיאלן געזעץ איבער’ן האלאקאוסט, ווען דער פרעמיער מיניסטער האט ארויסגעשטעלט א נייע ווערסיע פונעם געזעץ.
דאס געזעץ איז צום ערשט פארגעשלאגן געווארן מיט העכער א האלב יאר צוריק, דערקלערנדיג אז ס’איז א קרימינאלע אקט צו רעדן און דיסקוסירן די פוילישע ראלע אינעם האלאקאוסט, און אויך איז קרימינאל צו באצייכענען די לאגערן אלס “פוילישע” לאגערן.
דאס געזעץ האט געברענגט אן אינטערנאציאנאלן שטורעם, און אצינד נאך מאנאטן פון צעגערן, האט די ארטיגע רעגירונג אפיציעל צוריקגעצויגן, און עס וועט מער נישט זיין קרימינאל צו רעדן פון די דערמאנטע זאכן.
