ברוקלין – דער ארטאדאקסישער ניו יארק סטעיט אסעמבלימאן ר’ דוב הייקינד הי”ו האט נעכטן געמאלדן, אז ער וועט רעטייערן פונעם אסעמבלי, און וועט נישט זוכן ווידערוויילונג ביי די היי יאריגע נאוועמבער וואלן, ברענגענדיג אן ענדע צו זיין דינסט אינעם ניו יארק סטעיט אסעמבלי פאר די לעצטע 36 יאר. הייקינד האט נעכטן אויך געמאלדן אז ער אינדארסירט און וועט שטיצן ר’ שמחה אייכענשטיין הי”ו, אן איינגעשטעלטער אין דער אדמיניסטראציע פון מעיאר ביל דעבלאזיא, אים צו ערזעצן אין די סטעיט אסעמבלי. די דעמאקראטישע פריימערי פאר’ן סטעיט אסעמבלי זיץ וועט פארקומען קומענדיגן סעפטעמבער, און דערנאך די אלגעמיינע וואלן אין נאוועמבער, און ר’ דוב האט אפעלירט צו יעדן אז מ’זאל שטיצן און שטימען פאר ר’ שמחה.
אסעמבלימאן הייקינד מעלדט רעטייערמענט
