ניו יארק – א היסטארישע שיינע היים אין די העמפטאן בעיס געגנט, איז נארוואס פארקויפט געווארן פאר 5.7 מיליאן דאלאר, וואס איז היפש מער ווי דער פרייז פון 4.9 מיליאן דאלאר וואס איז אריגינעל פארלאנגט געווארן דערפאר, און עס איז א רעקארד הויכע סומע פאר א הויז פארקויפט צו ווערן אין העמפטאן בעיס. ריעל עסטעיט עקספערטן זאגן אבער, אז טראץ וואס דער העמפטאנס ראיאן איז טאקע טייער, איז די העמפטאן בעיס געגנט ספעציפיש געווען די ביליגסטע פון אלע ביז היינט, און דאס הייבט זיך צוביסלעך אן צו טוישן. א הויפט סיבה דערצו איז ווייל מער רייכע פארדינער זוכן זיך ארויסצוציען פונעם כאאס פון די שטארק-געדעכטע געגנטער ווי מאנהעטן און ברוקלין, און זענען גרייט זיך צו לאזן קאסטן פאר א רואיגע היים אין א רואיגן ווינקל אין די סיטי.
העמפטאנס געגנט ווערט טייערער
