“אייס” באאמטער אפגעטרעטן

קאליפארניע – דער ווארטזאגער פאר דער סאן פראנציסקא אפטיילונג פון דער פעדעראלער “אימיגראציע און קאסטומס ענפארסמענט” אגענטור, אויך באקאנט אלס “אייס”, האט נעכטן רעזיגנירט פון אמט, פאר פאליטישע סיבות. דזשעימס שוואב זאגט אז ער האט אפגעטרעטן פון זיין אמט, נאכדעם וואס ער האט איינגעזען אז ער וויל מער נישט פארקויפן ליגנטס וואס די טראמפ אדמיניסטראציע האט פרובירט צו פארקויפן איבער א לעצטיגע סעריע ארעסטן אין סאן פראנציסקא. שוואב האט זיך באצויגן איבער דעם וואס פעדעראלע אימיגראציע באאמטע האבן געזאגט, אז די לאקאלע אוקלענד מעיארקע האט געשטערט די אימיגראציע אגענטן פון ארעסטירן 800 אומלעגאלע אימיגראנטן, דורכ’ן זיי ווארענען פון פאראויס, און אזוי האבן זיי זיך געקענט באהאלטן. שוואב זאגט אז דער ציפער פון וויפיל אימיגראנטן האבן זיך ארויסגעדרייט פון ארעסט א דאנק די פאראויס-ווארענונג, איז פיל פיל קלענער.