קרית יואל – דער לאנג-דערווארטעטער מאמענט פאר איינוואוינער פון קרית יואל איז נעכטן אנגעקומען, ווען דער וואסער פייפליין, צו לעזן דעם וואסער מאנגל אין שטאט, איז ענדליך אקטיוויזירט געווארן און וואסער האט אנגעהויבן פליסן. דער פייפליין פראיעקט איז אונטערגענומען געווארן מיט גאנצע אכצן יאר צוריק, און האט זיך פארצויגן צוליב פארשידענע לעגאלע פראצעדורן, ביוראקראטיע, פראטעסטן און געריכט פראצעסן – און ענדליך איז עס אצינד אריין אין קראפט, טראץ וואס ס’איז בלויז דער ערשטער טייל פונעם גאנצן פייפליין, וועלכע וועט נאך דויערן עטליכע יאר צו פארטיגן. עס איז ארויסגעברענגט געווארן אז דער ניי-אקטיוויזירטער פייפליין וועט צוברענגען פרישע 612,000 גאלאן וואסער טעגליך פאר קרית יואל, וואס באדייט אז מ’וועט קענען בויען פרישע צען טויזנט דירות, לויט א שאצונג פון לאקאלע דעוועלאפערס.
קרית יואל פייפליין אריין אין קראפט
