ריאד – אין א טעלעפאנישן געשפרעך מיט’ן סאודיער קעניג סאלמאן, האט דער אמעריקאנער פרעזידענט טראמפ פארלאנגט, אז סאודי אראביע און אירע אראבישע שותפים זאלן וואס שנעלער ברענגען אן ענדע צום אנגייענדיגן קריזיס און געפעכט מיט קאטאר. סאודי אראביע, באכרעין, עגיפטן און די יונייטעד אראב עמירעיטס האבן מיט צען מאנאטן צוריק אפגעהאקט באציאונגען מיט קאטאר, מיט דער טענה אז קאטאר שטיצט טעראר, און צוליב דעם האבן די לענדער דערקלערט אן עקאנאמישע בלאקאדע אויף קאטאר, וועלכע האט געברענגט דעסטאביליזאציע אינעם גאנצן ראיאן. טראמפ האט אריגינעל געשטיצט סאודי אראביע’ס באשלוס, אבער אצינד, נאכ’ן זיצן מיט’ן קאטארישן עמיר אין ווייסן הויז, האט טראמפ טעלעפאנירט דעם סאודיער קעניג און פארלאנגט אן ענדע.
מ’זוכט ענדע צו קאטאר קריזיס
