טעקסאס – איינוואוינער אין יוסטאן, טעקסאס באקלאגן זיך, אז געפלאנטע גרויסע פראיעקטן אפצושטעלן פארפלייצונגען אין דער שטאט, האט זיך דערווייל נאכנישט אנגעהויבן. די פרישע טענות קומען ווען מען צייכנט אפ פונקט זיבן חדשים זינט דער מאסיווער האריקעין הארווי, ווען טויזנטער הייזער זענען פערמאנענט געשעדיגט געווארן. קאנגרעס האט אין פעברואר באשטעטיגט 15 ביליאן דאלאר פאר פארפלייצונג-שוץ פראיעקטן איבער’ן לאנד, אריינגערעכנט פראיעקטן אויסצוברייטערן רעזערווארן אין יוסטאן, און אויך צו פארגרעסערן שוץ ווענט, אבער רוב פון די פראיעקטן האט מען נאכנישט אנגעהויבן. באזונדערע באריכטן אין די לעצטע טעג, האבן אויפגעדעקט אז די אויסגוסן פון שעדליכע כעמיקאלן אין די באוואוינטע יוסטאנער געגנטער אין די טעג פון האריקעין הארווי, איז געווען פיל ערגער ווי מ’האט ביז יעצט געוואוסט.
וואסער-שוץ פראיעקטן אין יוסטאן פארשלעפט
