ניו יארק – צוויי פארשוינען וועלכע ווערן באשולדיגט אין דעם טראגישן טויט פון אן ארטאדאקסישע חתן וכלה אין ניו יארק סיטי, זענען געברענגט געווארן אין געריכט אין נעסאו קאונטי מיטוואך נאכמיטאג.
פראקורארן זאגן אז די צוויי פארשוינען, ראכמעל וואטקינס און זאקיא סטוארד, ביידע פון ברוקלין, זענען געווען טייל פון א גרופע קארס וואס זענען געפארן אויפ’ן נעסאו עקספרעסוועי שאסיי, און די צוויי האבן זיך גענומען דרייוון גאר ווילד, פארלעצנדיג טראפיק געזעצן איינס נאכ’ן צווייטן, ביז זיי האבן פאראורזאכט דעם שרעקליכן צוזאמשטויס, וואס האט געברענגט אז דער קאר פון די חתן וכלה, ישראל ע”ה און אלישבע לעווין ע”ה, זאל אויפגיין אין פלאמען.
