מאנהעטן – אן ערנסטע אינצידענט האט פאסירט אין ניו יארק סיטי, וואו א פארשוין האט גענוצט זיין קאר אראפצוקלאפן פוסגייער און ביציקליסטן אויפן וועסט סייד הייוועי שאסיי, ברענגענדיג 8 פאטאליטעטן און צען שווער פארוואונדעטע.
די דעטאלן ארום דעם אינצידענט, וואס ווערט באצייכנט אלס טעראר אטאקע, זענען נאך דערווייל נישט גענוי קלאר, אבער ווי מען הערט פון עדות, האט דער דרייווער גענוצט א ״האום דיפּאו״ טראק אריינצוקראכן אין מענטשן, און דערנאך איז ער ארויסגעקומען פונעם קאר.
די עדות דערציילן אז דער פארשוין האט דאן זיך גענומען לויפן אויפן גאס מיט א רעוואלווער און געשאסן אין אלע ריכטונגען. אויטאריטעטן זאגן אז דער צאל אומגעקומענע קען נאך אסאך שטייגן, און מעיאר ביל דעבלאזיא געפונט זיך ביי דער סצענע.
די אויטאריטעטן פארזיכערן פאר׳ן פובליק אז עס איז מער נישטא אן אקטיווער געפאר.
אפדעיט: אויטאריטעטן האבן יעצט געזאגט אז זיי באהאנדלען דעם אינצידענט אלס אן אפיציעלע טעראר אטאקע. זיי זאגן אז דער רעוואלווער וואס דער טעראריסט האט געהאט, איז געווען א שפילצייג, און דער טעראריסט איז געשאסן געווארן דורך די פאליציי. די צאל פאטאליטעטן האלט ביי 6 און פארוואונדעטע ביי 15.
