וואשינגטאן – אמעריקאנער געזונטהייט עקספערטן האבן געווארענט אז צופיל אמעריקאנער ערוואקסענע ווערן נישט וואקסינירט, וואס מיינט אז זיי שטעלן זיך אריין אין ערנסטע געזונטהייט געפארן. לויט די סאמע לעצטיגע אינפארמאציע האבן בלויז 44 פראצענט פון ערוואקסענע העכער 19 יאר באקומען א פלו שאט; 20 פראצענט האבן באקומען א טי-די-עי-פי וואקסין, וואס באשיצט קעגן טעטענוס, דיפטעריע און פערטוסיס; און 20 פראצענט פון מענטשן פון 19 ביז 64 יאר האבן גענומען די נויטיגע וואקסינען קעגן לונגען אנטצינדונגען. (דאס ווערט געווענליך נאר רעקאמענדירט פאר די וואס זענען אין העכערן געפאר פאר ווירוס-אנגעברענגטע לונגען אנטצינדונגען). בלויז 27 פראצענט פון מענטשן העכער 60 יאר אלט זענען געווארן וואקסינירט קעגן דעם הערפיס זאסטער ווירוס, וואס דער וואקסין שניידט צו העלפט די ריזיקע פון באקומען “שינגלס”, וואס איז אן ערנסטע קראנקהייט וואס קען אנמאכן קראצענישן און נערוולעך שאדנס ביי עלטערע מענטשן.
ערוואקסענע זאלן אויך נעמען וואקסינען
