וואשינגטאן – א רויטערס באריכט האט געברענגט פרישע שפעקולאציעס, איבער אן אויפשאקלונג אין ווייסן הויז, ווען דער באריכט האט ציטירט פון ווייסע הויז קוועלער, אז צוויי העכסט-ראנגיקע באאמטע אין דער טראמפ אדמיניסטראציע וועלן רעזיגנירן פון זייערע אמטן. דער באריכט צייגט אז עיטש אר מעקמעסטער, טראמפ’ס נאציאנאלע זיכערהייט ראטגעבער, און דזשאן קעלי, טראמפ’ס שטאב הויפט, זענען ביידע שוין אפגעמוטשעט פון אזויפיל זיך דארפן ארומרייסן אין ווייסן הויז, סיי מיט טראמפ אליינס און סיי מיט געוויסע ראדיקאלע ראטגעבער וועלכע נעמען ארום טראמפ, און זיי ווילן אפטראגן פון זייערע פאזיציעס. ווען מען האט געפרעגט ביים ווייסן הויז ווארטזאגער ראדזש שאה, איבער די באריכטן אז מעקמעסטער און קעלי גייען רעזיגנירן, האט ער נישט געענטפערט, נאר געזאגט אז דער פרעזידענט האט “פולע קאנפידענץ” אין זיין גאנצן שטאב.
וועלן קעלי און מעקמעסטער אפטראגן?
