ניו יארק סיטי – אמווייניגסטנס צוויי זענען אומגעקומען, ווען א טוריזם העליקאפטער האט אראפגעקראכט אינעם “איסט ריווער” טייך אין ניו יארק סיטי נעכטן פארנאכטס. עריק פיליפס, א ווארטזאגער פאר מעיאר ביל דעבלאזיא, האט באשטעטיגט דעם ציפער פון די פאטאליטעטן, און ניו יארק סיטי פייער באאמטע האבן געזאגט, אז דערווייל ווי עס זעט אויס, האט זיך געמאכט עפעס א מעכאנישער פראבלעם מיט’ן העליקאפטער, און דער פילאט האט פרובירט צו לאנדן רואיג אינעם וואסער, אבער אנשטאט דעם האט ער ווילד אראפגעקראכט. דער העליקאפטער האט שנעל זיך גענומען זינקען אין וואסער אריין, אבער דער פילאט האט באוויזן ארויסצושפרינגען פונעם העליקאפטער און ער איז געברענגט געווארן צו טרוקעניש דורך פייער-רעטער. די פעדעראלע אוויאציע אדמיניסטראציע האט געעפנט אן אויספארשונג.
העליקאפטער קראכט אין איסט ריווער
