וואשינגטאן – א נייע “סי בי עס” אנקעטע צייגט, אז סיי דעמאקראטישע וויילער און סיי רעפובליקאנער וויילער האלטן אז די אישו פון גאן קאנטראל וועט שפילן א גרויסע ראלע אין זייער באשלוס פאר וועמען צו שטימען ביי די מידטוירם וואלן היי יאר נאוועמבער. אלעס אינאיינעם, זאגן 66 פראצענט וויילער, וועלן ערווארטן פון קאנדידאטן און פאליטישאנס ארויסצוזאגן וואו זיי שטייען אויף דער אישו פון שטרענגערע גאן קאנטראל, וואס דאס איז א הויכער ציפער, נעמענדיג אין באטראכט פריערדיגע יארן, ווען גאן קאנטראל איז בכלל נישט געווען אויפ’ן שפיץ פון דער אגענדע ביי וויילער. די זעלבע אנקעטע צייגט אויך אז די צאל אמעריקאנער וויילער וועלכע שטיצן שטרענגערע גאן קאנטראל, איז געשטיגן מיט 8 פראצענט זינט אקטאבער יאר 16′.
גאן קאנטראל איז מידטוירם אישו
