וואשינגטאן – טאם באסערט, דער ווייסער הויז היימלאנד זיכערהייט ראטגעבער, האט געמאלדן נעכטן אז ער רעזיגנירט. באסערט’ס אפטריט פון ווייסן הויז איז נישט אזא גרויסע געשעעניש ווי די אנדערע טראמפ אדמיניסטראציע באאמטע וועלכע זענען אויפגעזאגט געווארן אין די לעצטערע וואכן, אבער עס געבט צו צום אנגעצויגנקייט און אומזיכערקייט. ווייסע הויז קוועלער דערציילן פאר “עקסיאס” אז באסערט איז אריגינעל אריינגעברענגט געווארן צו העלפן קאנטראלירן טראמפ’ס ערשטער נאציאנאלע זיכערהייט ראטגעבער מייקל פלין, און ווען פלין איז ארויסגעווארפן געווארן, האט באסערט מער נישט עכט געהאט קיין ארבעט. אונטער מעקמעסטער האט באסערט גארנישט געטאן וויכטיג, און יעצט מיט’ן נייעם נאציאנאלער זיכערהייט ראטגעבער דזשאן באלטאן, וועלכער האט אנגעהויבן זיין דזשאב מאנטאג, האט באסערט באשלאסן ס’איז צייט צו גיין.
היימלאנד זיכערהייט ראטגעבער רעזיגנירט
