ניו יארק – א שטורעם קאכט זיך אין ניו יארק, נאכדעם וואס א פאראול באורד אין דער סטעיט האט באפרייט דעם פארשוין הערמען בעל, וועלכער איז אפיציעל געפונען געווארן שולדיג אין דעם וואס ער האט אין 971′ דערמארדעט צוויי פאליציי אפיצירן. בעל איז געווען א מיטגליד פון די ראדיקאלע שווארצע “בלעק ליבערעישאן ארמי”, און זינט’ן אנהייבן דינען זיין טורמע אורטייל פאר’ן דערמארדן די צוויי ניו יארק סיטי פאליציי אפיצירן אין הארלעם אין 971′, האבן פאראול באורדס שוין זיבן מאל אפגעווארפן זיין פארלאנג באפרייט צו ווערן. אצינד איז ער שוין אפגעזעסן 44 יאר און א פאראול באורד האט באשלאסן אז ער פירט זיך גענוג גוט אויף, און ער קען באפרייט ווערן. זיין באפרייאונג האט געברענגט אן ערנסטן שטורעם, און מ’האט אויך געהערט קאמענטארן פון גאווערנאר קאומאו, אז ער איז קעגן דעם באשלוס פונעם פאראול באורד.
שטורעם: פאליציי מערדער באפרייט
