וואשינגטאן – עקספערטן האבן אויסגעדרוקט אויפברויז און וואונדער, פארוואס די טעכנאלאגיע וועלכע קאנטראלירט דעם עלעקטעריק גריד אין גאנץ אמעריקע, איז נאך אלץ נישט געהעריג פארגעשריטן און באשיצט פון העקערייען. דער פרישער אויפברויז קומט נאכדעם וואס די אמעריקאנער רעגירונג האט פארלאפענעם דאנערשטאג ארויסגעשטעלט אן ערשטמאליגע און שרעקעדיגע ווארענונג, אז רוסישע העקערס האבן באוויזן זיך אריינצוהעקן אין אמעריקע’ס עלעקטעריק גריד, וואס באדייט אז רוסלאנד האט אצינד די מעגליכקייט דורכצופירן א מאסיוון בלעקאוט מיט איין דרוק פון א קנעפל דורך זייערע העקערס. דאס איז באזונדער שאקירנד, וויבאלד מען שטייט שוין פופצן יאר נאכ’ן שרעקליכן בלעקאוט פון יאר 03′, ווען 45 מיליאן אמעריקאנער זענען געבליבן אין דער פינסטערניש, און די פעדעראלע רעגירונג האט דאן געהאט פארשפראכן מאסיווע “אפגרעידס”.
גריד טעכנאלאגיע נאך אלץ נישט שטארק
