וואשינגטאן – א באריכט נעכטן האט געצייגט אז דזשאן קערי, דער געוועזענער סענאטאר, געוועזענער סעקרעטערי אוו סטעיט און געוועזענער דעמאקראטישער פרעזידענט קאנדידאט, קלערט ערנסט צו לויפן פאר פרעזידענט נאכאמאל אין יאר 020′. דער באריכט איז ערשינען אין דער איזראעלישער “מעריב” צייטונג, וועלכע האט געברענגט פון קוועלער אז קערי האט זיך געטראפן מיט כוסעין אגהא, א נאענטער געהילף צום פאלעסטינער פרעזידענט מאכמוד אבאס, און ער האט געזאגט פאר אגהא איבער זיינע פרעזידענטליכע אספיראציעס. לויט’ן באריכט, האט קערי אויך געשיקט א מעסעדזש פאר אבאס, אז ער “זאל זיך האלטן שטארק און נישט ווערן צעבראכן פון פרעזידענט טראמפ”, צולייגנדיג אז ער גלייבט אז טראמפ גייט מער נישט זיין אויפ’ן פרעזידענט אמט פאר צו לאנג.
דזשאן קערי וויל לויפן פאר פרעזידענט אין ’20’
