ניו יארק – דער ניו יארק סיטי מעיאר ביל דעבלאזיא, האט נעכטן פלוצלינג אנולירט א זיצונג וואס ער האט געזאלט אפהאלטן מיט פרעזידענט טראמפ אין ווייסן הויז. די זיצונג איז געווען געסקעדזשועלט צווישן טראמפ און ארום הונדערט מעיארס פון איבער’ן לאנד, און עס וואלט געווען א פאסיגע צייט פאר דעבלאזיא, פאראויסצורוקן ניו יארק סיטי’ס אינטערעסן דורכ’ן זיי אדרעסירן צום פרעזידענט, אבער ממש געציילטע שטונדן איידער די זיצונג איז געווען געסקעדזשועלט, האט דעבלאזיא – און אויך נאך עטליכע דעמאקראטישע מעיארס – געמאלדן אז ער באיקאטירט די זיצונג. דער באיקאט איז געקומען אין רעאקציע צו דעם וואס די טראמפ אדמיניסטראציע האט נעכטן ארויסגעשטעלט א סטראשע צו שיקן סובפינעס פאר די סיטיס וועלכע קאאפערירן נישט מיט די שטרענגע אימיגראציע פאליסיס.
דעבלאזיא אנולירט טראמפ זיצונג
